انسان انصاف کی تلاش میں
✏صادق مظاہری
انسان زمین پر انصاف کی تلاش میں ہے لیکن کہیں پر انصاف نظر نہیں آتا ، جس کی وجہ سے وہ انسان جس میں انسانیت وہمدردی ہونی چاہۓ تھی حیوانیت ودرندگی پاٸ جارہی ہے ، ظالم سر عام گھومتا ہے مظلوم کو دبایا جاتا ہے ، اس کا کوٸ پرسان حال نہیں ہوتا ، کسی بھی آٸین وقانون کو اس لۓ تیار کیا جاتا ہے تاکہ اس کو استعمال کرکے انصاف کا آوازہ بلند کیا جاۓ ، لیکن جب کسی قانون کے تانے بانے اتنے ضعیف وکمزور کردیۓ جاٸیں کہ اس کا استعمال بھی بے بس وبے جان ہوجاۓ تو پھر ایسی قانونی کتابوں کو پڑھنے سے کیا فاٸدہ ۔ ان کو تو کسی بوکس میں بند کر کے دفنا دینا چاہۓ آج کل بہت سے ممالک میں نظام ملک وحکومت کو چلانے کے لۓ جس قانون کا سہارا لیا جاتا ہے وہ اتنے ناقص وکمزور ہے کہ ہر وہ پارٹی جس کے لۓ کوٸ قانون رکاوٹ بنتا ہو اس کو تبدیل کرکے اپنی مرضی کے مطابق دوسرا قانون پاس کرا لیتی ہے ، جس میں صرف وصرف سیاسی جماعتوں وسیاست دانوں کا فاٸدہ ہوتا ہے جب کہ قانون سب کے لۓ ہوتا ہے اس لۓ قانون ایسا ہونا چاہۓ جو سب کے لۓ استعمال ہو ، اس میں سب کے لۓ برابر راٸٹز موجود ہوں ، یہ نہیں کہ کسی ایک خاص جماعت کا فاٸدہ ہوگیا اور بس ۔ چوں کہ قوانین کو تیار کرنے والا انسان ناقص ہے اس کا بنایا ہوا قانون بھی ناقص ہوگا ، اس لۓ بہت سے ایسے مساٸل ہیں کہ جو ہمارے یہاں کورٹ میں جاتے ہیں اور وہ سنگین جراٸم ہیں لیکن ان کے تعلق سے کوٸ مضبوط قانون ہمارے یہاں نہیں ہے ، ٹھیک اسی طرح امریکا اور ان ممالک میں جہاں پر جمہوریت ہے یہ ہی حال ہے ایسے میں انصاف کے حصول کا مکمل یقین رکھنا حماقت ہے ، پھر ناانصافی کی رفتار اُس وقت بڑھ جاتی ہے جب کہ وہ لوگ جن کے ہاتھ میں قانون کی باگ ہے کرپٹ ہوجاتے ہیں ، اور وہ لوگوں کی کھال اس طرح ادھیڑ تے ہیں جیسے قصاٸ ذبح کۓ ہوۓ جانور کی ۔ ساتھ میں اس کا گوشت بھی کھاجاتے ہیں ان کے پاس انسان اچھا خاصا جاتا ہے اور اپنا سب کچھ لٹا کر واپس آتا ہے کہتے ہیں کہ کورٹ میں جانے کے لۓ ” انسان کے ہاتھ سونے کے ہونے چاہۓ اور پیر لوہے کے “ جب وہاں موجود پڑھے لکھے ، تہذیب یافتہ ، زبان کے جادوگروں سے کچھ کام لیا جاسکتا ہے جب کہ وہاں سونے کے ہاتھوں کا کیا کام ۔ پھر اگر مد مقابل کوٸ سرکار میں موجود منتری یا پھر کوٸ امیر زادہ ہو جس نے کسی کی شفارش لگادی ہو یا پھر پیسوں کے ذریعے حرص وطمع سے پُر پیٹ بھر دیا ہو تو پھر مظلوم کی فریا د کون سنے گا اس کو تو جیل کی سلاخوں کے پیچھے جانا پڑے گا اس کے لۓ یہ کہاوت درست ثابت ہوگی
” جوجتنا لُوچا وہ اُتنا اونچا “
ایسا آۓ دن دیکھنے کو ملتا ہے اس لۓ کبھی کبھی بہت سے مساٸل میں جب کورٹ کے فیصلے انصاف کے خلاف آتے ہیں تو ایسا لگتا ہے کہ جیسے انصاف صرف کتابی بات رہ گٸ ہو کیونکہ جہاں کرپشن کا یہ حال ہو کہ بے قصور کو قصور وار قرار دیا جارہا ہو بغیر کسی ثبوت کے شریف ، ایماندار لوگوں کو مجرم ثابت کیا جارہا ہو اور جرم کے بے تاج بادشاہوں کو اتنی چھوٹ دی جارہی ہو ، کہ وہ اپنی پاور کی وجہ سے لوگوں کودبارہے ہوں ، ستارہے ہوں ، ان کے حقوق کو چھین رہے ہوں پھر بھی ان کو دیکھ کر اَن دیکھا جارہا ہو ایسے میں انصاف کی کیا امید کی جاسکتی ہے ۔ اس لۓ جراٸم کی شرح بڑھ رہی ہے ، ہر جرم سے روۓ زمین پر فساد وبگاڑ برپا ہے لیکن مجال ہے کوٸ ان پر روک لگاۓ ، کیو نکہ آوا کا آوا ہی خراب ہے ، کسی شہر کے کورٹ سے لے کر انٹرنیشل کورٹ تک میں چلے جاٸیۓ یہ ہی دیکھنے کو ملے گا کہ جو بھی مقدمہ جاری ہے اس میں ناانصافی بڑی تعداد میں موجود ہے ، پھر مقدموں کی سنواٸ اتنے دن کے بعد ہوتی ہے کہ بسا اوقات انسان کی عمر کا بڑا حصہ گزرجاتا ہے لیکن اس کا کوٸ اچھا وسچا فیصلہ نہیں ہوپاتا ہے ، جب تک قانون کا صحیح استعمال نہ کیا جاۓ گا اور قانون داں لوگ ایماندار ودیانت دار نہ بنیں گے اس وقت تک کسی بھی ملک میں ایک اچھا ومضبوط نظام نہ چل سکے گا اگر کوٸ بھی ملک خوب ترقی کرے ، اس کی بلندیوں کے چرچے ہونے لگے ، اور ساٸنسی ایجادات میں اس کا نام سرفہرست آنے لگے ، اس کی سڑکوں پر ایسا مٹیریل ڈالدیا جاۓ جس پر گاڈیاں دوسو کی اسپیڈ سے دوڑ رہی ہوں ، اس میں دنیا کے سب سے اچھے مکانات بنا دیۓ جاٸیں لیکن اگر وہاں انسان کے جراٸم کو نہ روکا جاۓ ۔ اور وہاں پر انسان دنیاوی حرص وطمع لۓ پھرتا ہو ، جس سے زمین پر فساد برپا ہوتا ہو تو یہ سب ترقی ایسی ہی ہے جیسے کوٸ حسین وخو بصورت جسم ہو لیکن اس میں جان نہ ہو۔۔۔ ظاہر بات ہے یہ جسم بے کار ہے صرف اس کی خوبصورتی کو دیکھا جاسکتا ہے آنکھیں اس کو دیکھ کر اچھا محسوس کرسکتی ہیں لیکن اس سے جونفع وفاٸدہ حاصل ہونا چاہۓ تھا وہ نہ ہوگا ۔ اس لۓ اسلام میں سب سے زیادہ زور انسان کو انسان بنانے پر دیا گیا ہے اور اسلامی نظام میں کسی بھی ملک کے لۓ عدل وانصاف کو وہ اہمیت دی گٸ ہے جو جسم کے لۓ روح کی ہے ، اور اُس نظام سے سخت نفرت کا اظہار کیا گیا ہے جس میں جھوٹ ہو ، فراڈ ہو ، دھوکہ ہو ، رشوت ہو ، ظلم ہو ۔ اور اس کے لۓ جو نظام عدالت ہے وہ کمال کا ہے ۔ دعویٰ سے لیکر دلیل تک ، گواہی سے لیکر مقدمہ کی سماعت تک ایک ایسا مکمل نظام ہے جس میں بہت کم وقت میں بڑے بڑے مقدموں کا حل بہ آسانی کیا جاسکتا ہے ۔ اگر ان اصولوں کو کسی بھی ملک میں استعمال کیا جاۓ گا تو اس سے جہاں ایک طرف کرپشن ختم ہوگا وہیں پر بہترین نظام عدل کا قیام ہوگا ۔ چناں چہ جن ممالک میں ان اسلامی اصولوں پر عمل ہے وہاں پر کرپشن بھی کم ہے اور جراٸم کی شرح بھی کم ہے ۔
٣ ربیع الاول ١٤٤٣ ھ
١٠ اکتوبر ٢٠٢١ ٕ
ایک تبصرہ شائع کریں